Brión instala un paso peonil sobre o Sar
[19/12/2008]
O viaduto terá 50 metros de longo e garantirá a seguridade vial nunha zona de elevado tránsito viario. Antes de que remate o ano os veciños de San Xulián de Bastavales, en Brión, poderán utilizar un paso peonil sobre o río Sar para mellorar a seguridade vial no lugar de Chave dá Ponte, xa que neste lugar existe un viaduto sobre o río moi estreito, o que provoca numerosas dificultades de paso cando a fluidez do tráfico é moi elevada.
A construción do paso foi asumida pola Consellería de Política Territorial hai practicamente un ano, coincidindo coa visita ao municipio do delegado provincial deste departamento, Alberto González Fernández.
Ao mes seguinte os técnicos da Xunta tomaron as medidas precisas para a redacción do proxecto técnico, que se está a executar dende hai días.
O paso sobre o río ten un ancho de máis dun metro e medio e unha lonxitude de cincuenta metros. Nestes momentos xa está instalada a estrutura metálica anexa á ponte de pedra e está previsto que ao longo da próxima semana conclúan os traballos para instalar as varandas de seguridade. A última parte da obra consistirá na aplicación da capa de firme do novo paso sobre o Sar.
Enlace a La Voz de Galicia
