versión accesible aviso legal axuda
briondixitalaxua á navegacion
banner
menus
Data: Luns, 20 de Novembro do 2017
     

novas

 

FOTO

O límite de velocidade da autovía Santiago-Brión aumentarase a 120

[07/03/2010]

A Xunta afirma que a medida se aplicará a curto prazo para unificar todas as vías da súa competencia. A autovía de Santiago a Brión, que nos próximos anos chegará ata Noia, terá a curto prazo unha velocidade máxima de 120 quilómetros por hora. Na actualidade, os condutores só poden pisar legalmente o acelerador ata os cen quilómetros, unha velocidade que a moitos lles resulta insuficiente dada a entidade do corredor e a posibilidade de sacarlle maior rendemento.

O cambio de velocidade require uns estudios previos para analizar os distintos parámetros técnicos que interveñen na velocidade, e especialmente as entradas, saídas, distancia e conexións intermedias. Niso están os especialistas do departamento de Medio. O criterio dos responsables autonómicos é unificar as velocidades de todas as autovías que dependen da Administración galega, e fontes do devandito departamento sinalan que a curto prazo iso se vai poder establecer. Pero hai que agardar ao informe técnico.

A elevación do límite de 100 quilómetros produciuse xa en nas restantes autovías de Galicia. Nas do Salnés, Barbanza, Ferrol-Vilalba e Dozón-Ourense os condutores poden circular a 120 quilómetros por hora. A única que quedou como unha especie de «patito feo» é a autovía de Santiago cara a Noia.

Decenas de miles de condutores que utilizan a diario o corredor móstranse expectantes en torno á decisión autonómica, coa tentación de que o contaquilómetros reflicta a mesma velocidade que nas demais autovías, pero coa sombra das sancións detrás.
 



Enlace a La Voz de Galicia

 

Comentarios


Escribe aquí os seus comentarios. Para facelo é necesario estar rexistrado. Se non o estás:



       
Alias:
Clave:
Título:
Comentario  
 
 
 
briondixital.org non se fai responsable das opinións dos lectores e eliminará os comentarios que considere ofensivos ou vulneren a legalidade.
 

 

[ VOLVER ]

(c)
correo privado webmail mapa web paxina de inicio engadir a favoritos concello de brion infobrion Xunta - innovacion