e-administración

As novas tecnoloxías constitúen unha ferramenta de utilidade no traballo, o lecer, a comunicación... Entre as súas múltiples utilidades figura a de axilizar as relacións entre a administración e os cidadáns.

Son moitos os trámites que, hoxe en día, poden realizarse a través da rede. Comodamente, sen necesidade de desplazarse e durante as 24 horas do día, nos sete días da semana. Estes son soamente algúns deles:

Servizo Galego de Saúde -SERGAS-

• Solicitude e cambio de datos da Tarxeta Sanitaria do SERGAS.
• Consulta do estado dos trámites relacionados coa Tarxeta Sanitaria do SERGAS.
• Solicitude de nova Tarxeta Sanitaria do SERGAS por perda, roubo ou deterioro.
• Cambio de médico e consulta do estado da solicitude de cambio de médico.
• Solicitude ou anulación de cita para o Centro de Saúde de Atención Primaria.

Axencia Tributaria

• Solicitude e emisión de certificacións tributarias.
• Aprazamentos de débedas.
• Pagamento de impostos.
• Consulta de devolucións de Renda, IVE, exportadores e sociedades –Modelos 200 e 201-.
• Outros trámites en liña na Oficina Virtual da Axencia Tributaria.

Seguridade Social

• Solicitude de informe de vida laboral.
• Solicitude de informe de bases de cotización.
• Outros servizos que requiren de certificado dixital.

Certificado dixital de autentificación
Algunhas webs requiren dun certificado de autentificación do usuario para acceder a certos trámites. O certificado, que concede a Fábrica Nacional da Moneda e Timbre, pode solicitarse nesta páxina.